“Zirə” Azərbaycan futbolunun tarixinə düşüb.
Viral.az xəbər verir ki, Rəşad Sadıqovun baş məşqçisi olduğu kollektiv buna UEFA Konfrans Liqasının III təsnifat mərhələsində Xorvatiyanın “Osiyek” klubunu mübarizədən kənarlaşdırmaqla nail olub.
Səfərdə rəqibi ilə heç-heçə (1:1) edən Bakı təmsilçisi evdə də bərabərliyə nail olub – 2:2. Penaltilər seriyasında daha dəqiq olan “Zirə” pley-offa yüksəlib.
Son Yazılar:
- 65 yaşını keçən müəllim fəaliyyətini davam etdirə bilər? – RƏSMİ
- Prezident ona “Şöhrət” ordeni VERDİ – FOTO
- Prezident “Bələdiyyələrin əraziləri və torpaqları haqqında” Azərbaycan Respublikasının Qanununa Əlavəni təsdiq ETDİ
Bu vaxtadək Azərbaycan komandaları avrokuboklarda Xorvatiya klublarını üstələyə bilməyib.
“Xəzər Lənkəran” 2007-ci ildə Çempionlar Liqasının I təsnifat mərhələsində “Dinamo” ilə üz-üzə gəlib. Hər iki görüşün əsas vaxtı 1:1 hesabı ilə başa çatıb. Xorvatiyadakı cavab qarşılaşmasının əlavə vaxtında meydan sahibləri 2 qol vuraraq mərhələ adlayıblar.
Dörd ildən sonra Zaqreb təmsilçisi yenidən ölkəmizə gəlib. Bu dəfə onlar “Neftçi”yə rəqib olublar. Çempionlar Liqasına təsadüf edən duelin ilk matçı “Maksimir” stadionda keçirilib. Üç cavabsız qola sevinən xorvatlar Bakıda qolsuz bərabərliyə nail olaraq növbəti mərhələyə vəsiqə əldə ediblər.
Qeyd edək ki, “Zirə” UEFA Konfrans Liqasının pley-offunda Kiprin “Omoniya” komandası ilə üz-üzə gələcək.
