Azərbaycanlı rəssam Xətai Abdullayevin türkiyəli atıcı Yusuf Dikeçə həsr olunan rəsmi Türkiyə mediasının böyük marağına səbəb olub. Rəsmdə Yusuf Dikeçin “Paris-2024” Yay Olimpiya Oyunlarında bir əli cibində yarışaraq göstərdiyi performans əks olunub.
Viral.az xəbər verir ki, başda Anadolu Agentliyi olmaqla Türkiyənin bir çox media qurumu həmvətənimizin çəkdiyi rəsm barədə xəbər hazırlayıb.
Son Yazılar:
- Meteohəssas insanların NƏZƏRİNƏ!
- Bu ərazilər plana düşdü: Tezliklə SÖKÜLƏCƏK
- Bakıda aptek müdürü işçisini döydü – GÖRÜNTÜLƏR
Türkiyə mediasına müsahibə verən Xətai Abdullayev Dikeçin rəsmində türk millətinin qürur duyduğu bütün idmançıları təmsil etdiyini bildirib.
“Rəsmin bir parçası olan hədəf lövhəsində Yusuf Dikeçin vurduğu nöqtəni çəkməyi unutduğumu düşünənlər olub. O hissəni Dikeçin atəş edərək vurması üçün boş saxladım. Çox sayda insan rəsmi almaq istədi. Mən isə bu tablonu Yusuf Dikeçə hədiyyə etmək istəyirəm. O, rəsmin ortasına atəş etdiyi zaman əsər tamamlanmış olacaq”, – deyə rəssam müsahibəsində bildirib.
Qeyd edək ki, həmvətənimiz Türkiyənin Ədirnə şəhərində yaşayır.
