Kiyev Budapeşt Memorandumu çərçivəsində nüvə silahından imtina etməsəydi, Ukrayna müstəqillik qazana bilməzdi.
Viral.az xəbər verir ki, bu barədə Beynəlxalq Atom Enerjisi Agentliyinin (MAQATE) rəhbəri Rafael Qrossi “ Der Standard” qəzetinə bildirib.
“Ancaq bu halda Ukrayna olmayacaqdı, çünki bu, Ukraynanın müstəqil ölkə olması üçün ilkin şərt idi”, – Qrossi Kiyevin Budapeşt memorandumunu imzalamaqdan imtinasının Rusiyanın Ukrayna ərazisində müharibəyə başlanmasına mane ola biləcəyi iddiasına cavab verərkən deyib.
Son Yazılar:
- Mahir Emreli Almaniya klubunda məhsuldar ötürmə VERDİ
- Taleh Yüzbəyovun xanımı qəzaya düşdü – FOTO
- Ağalarovun Əminə ilə yeni görüntüsü – VİDEO
Xatırladaq ki, 5 dekabr 1994-cü ildə Budapeştdə Rusiya, Ukrayna, ABŞ və Böyük Britaniya Kiyevin Nüvə Silahlarının Yayılmaması Müqaviləsinə qoşulması ilə əlaqədar Təhlükəsizlik Zəmanətləri Memorandumu imzalayıblar. Ukrayna sözügedən müqaviləyə qoşulmaq və tərksilah müqabilində beynəlxalq təhlükəsizlik zəmanəti alıb. SSRİ-nin dağılması ilə o, nüvə başlıqlarının sayına və onların çatdırılma vasitələrinə görə ABŞ və Rusiyadan sonra dünyada üçüncü yeri tutdu. Rusiya Federasiyası, ABŞ və Böyük Britaniya təhlükəsizlik qarantları kimi çıxış etdilər, sonradan Fransa və Çin də onlara qoşuldular.
2022-ci ilin fevralında Ukrayna Prezidenti Volodimir Zelenski Münhen Təhlükəsizlik Konfransında çıxış edərək Kiyevin Budapeşt Memorandumu üzrə öhdəliklərinə yenidən baxa biləcəyini etiraf etdi. Daha sonra Rusiya Prezidenti Vladimir Putin bildirib ki, Ukraynada hətta taktiki nüvə silahının peyda olması Rusiya üçün strateji təhlükə deməkdir.
(redaktor.az)
