Avstraliyanın Curtin Universiteti və BƏƏ-nin Xəlifə Universitetinin alimləri şirin suyun Yer kürəsində təqribən dörd milyard il əvvəl meydana gəldiyini bildiriblər.
Viral.az xəbər verir ki, araşdırmanın nəticələri “Nature Geoscience” jurnalında dərc olunub .
Mütəxəssislər Qərbi Avstraliyanın Cek Hills bölgəsindəki qədim sirkon kristallarını təhlil edərək, dörd milyard il əvvələ aid yüngül oksigen izotop imzalarını aşkar ediblər. Bu, Yer kürəsində ilk şirin suyun yaranma vaxtını – planetin yaranmasından cəmi bir neçə yüz milyon il sonra aşkar etməyə imkan verib.
Oksigenin yüngül izotopları adətən Yer səthindən bir neçə kilometr aşağıda yerləşən süxurlar isti şirin suya məruz qaldıqda əmələ gəlir. Bu tapıntı dörd milyard il əvvəl Yerin tamamilə duzlu okeanla örtüldüyünə dair mövcud nəzəriyyəyə meydan oxuyur. Yerin bu qədər dərinliyində şirin suyun olması qurunun və hidroloji dövrün daha erkən yaranmasından xəbər verir.
(redaktor.az)
