Bakıda marşrut avtobusu ağır qəza törədib.
Viral.az xəbər verir ki, hadisə Binəqədi qəsəbəsi ərazisində baş verib.
Belə ki, Əkbər Mehdiyevin idarə etdiyi 133 saylı xətt üzrə hərəkət edən “Karsan” markalı avtobus Binəqədi şosesi ilə Zəngəzur küçəsinin kəsişməsində işıqforun qırmızı işığında hərəkətini davam etdirib.
Son Yazılar:
- Acun Ilıcalının sahibi olduğu klub baş məşqçisi ilə yollarını AYIRDI
- Tovuzda faciə: 6 nəfər öldü – Hadisə yerindən FOTOLAR
- ABŞ Venesuelanın 21 vətəndaşına qarşı sanksiya tətbiq ETDİ
Nəticədə avtobus yaşıl işıqla öz yoluna davam edən “Opel Corsa” markalı avtomobilə çırpılıb. İdarəetmədən çıxan avtomobilin hərəkətdə olan “Changan” və “Hyundai Santa Fe” markalı avtomobillərə çırpılması nəticəsində zəncirvari qəza baş verib.
“Opel Corsa”nın sürücüsü Azər Mirzəxan oğlu Əyyubov və sərnişini Cavid Mahir oğlu Məmmədov qəza yerində həlak olub. “Changan”ın sürücüsü Babək Orucov isə xəstəxanaya yerləşdirilib.
Faktla bağlı Binəqədi RPİ-də cinayət işi açılıb, araşdırma aparılır.
