Çində bir günə 6 plastik əməliyyat keçirən qadın ölüb.
Viral.az xarici mediaya istinadla bildirir ki, 9 dekabr 2020-ci ildə Guangxi əyalətindən olan Liu adlı qadın Nanninqdəki plastik cərrahiyyə klinikasına gedib. O, 40 min yuan kredit götürüb və elə həmin gün əməliyyat olunub.
Günortadan sonra o, yuxarı və aşağı göz qapaqlarının blefaroplastikası, həmçinin rinoplastika əməliyyatı keçirib. Bu prosedurlar beş saat çəkib. Ertəsi gün səhər o, budlarına liposaksiya etdirərək, çıxarılan piyi üzünə və sinəsinə vurdurub. Bu da təxminən beş saat çəkib.
Son Yazılar:
- Qəfil ölüm: Hansı qan qrupundan yan keçir?
- Bakıda yağış, bu ərazilərdə qar yağacaq
- Bakıda bu ərazilər plana düşdü – Tezliklə söküləcək – FOTO
11 dekabr 2020-ci ildə qadın evə buraxılıb. Lakin liftə güclə çatan qadın huşunu itirib. O, təcili olaraq adi xəstəxanaya çatdırılsa da, həkimlər onu xilas edə bilməyiblər. Yarılma nəticəsində məlum olub ki, ölümün səbəbi “liposaksiyadan sonra ağciyər emboliyası nəticəsində kəskin tənəffüs çatışmazlığı” olub.
Liunun ailəsi klinikaya qarşı iddia qaldıraraq 1,18 milyon yuan məbləğində təzminat tələb edib. Bununla belə, klinika cəmi 200 min yuan ödəməyə razılıq verib. Araşdırma zamanı məlum olub ki, klinikada proseduru həyata keçirmək üçün lazım olan bütün hüquqi sənədlər var. Çıxarılan yağın həcmi də tibbi standartlara uyğundur.
Bir neçə məhkəmə araşdırması və apellyasiya şikayətindən sonra klinikanın qadının ailəsinə 590 min yuan məbləğində təzminat ödəməsinə qərar verilib. Məhkəmə müəyyən edib ki, Liunun işində həkimlər ağciyər emboliyası risklərini kifayət qədər ciddi qəbul etməyiblər. Onun damarlarının vəziyyəti və qan testləri liposaksiyaya əks göstəriş ola bilər.
