Avtoxuliqanlıq hərəkətləri edərək sosial şəbəkədə paylaşan daha bir şəxs həbs edilib.
DİN-in Mətbuat xidmətindən Viral.az-a bildirilib ki, 28 yaşlı Rüstəm Həsənov inzibati məsuliyyətə cəlb edilib.
Belə ki, onun idarə etdiyi “VAZ 2121” (Niva) markalı 90-DH-344 dövlət qeydiyyat nişanlı avtomobillə Abşeron rayonu ərazisində hərəkətdə olarkən ictimai qaydanı pozaraq avtoxuliqanlıq əməli törətdiyi və bu növ videoları sosial şəbəkələrdə paylaşaraq insanların haqlı narazılığına səbəb olduğu üçün Abşeron RPİ DYPŞ-nin əməkdaşları tərəfindən saxlanılıb.
Son Yazılar:
- Bakıda vəzifəli şəxsi maşın vurub ÖLDÜRDÜ
- Mirzoyan Hakan Fidanla telefon danışığının təfərrüatlarını AÇIQLADI
- Ramazan ayında Qədr gecələrinin vaxtları AÇIQLANDI
Həmçinin, sosial şəbəkələrdə paylaşılan görüntülərdə sürücünün daha bir qayda pozuntusu da aşkar edilib.
Belə ki, araşdırmalarla R.Həsənovun idarə etdiyi avtomobilin üzərində qanunvericiliklə qadağan olunan konstruksiya dəyişikliyi edərək nəqliyyat vasitəsini bu vəziyyətdə idarə etdiyi də məlum olub. Müvafiq sənədləşdirmə aparılaraq toplanmış material baxılması üçün məhkəməyə göndərilib. Məhkəmənin qərarı ilə R.Həsənov əməlinə hüquqi qiymət verilərək o, 20 sutka inzibati qaydada həbs edilib və sürücülük hüququ 1 il müddətinə məhdudlaşdırılıb.
DİN-dn bildirilib ki, avtoxuliqanlıq əməlləri törədənlərə qarşı tədbirlər davam etdiriləcək: “Yol hərəkəti qaydalarını pozaraq özlərini və ətrafdakı insanların həyatını təhlükəyə atmasınlar, nəzərə alsınlar ki, sosial şəbəkələrdə paylaşılan bu növ qayda pozuntularının hər biri diqqət mərkəzində saxlanılır və qayda pozan hər bir şəxs aşkar edilərək barələrində qanunamüvafiq tədbirlər görülür”.
