Xəbər verdiyimiz kimi, ötən gün Bakının Səbail rayonu Süleyman Tağızadə küçəsində yaşayış binasında təmir işləri üçün quraşdırılmış yük lifti qırılaraq yaxınlıqdakı avtomobil və motosikleti yararsız hala salıb.
Viral.az “xəzər xəbər”ə istinadən məlumatına görə, motosikletinə ciddi ziyan dəyən Pakistan vətəndaşı cəmi 5 saniyə ilə liftin onun üzərinə düşməsindən xilas ola bildiyini deyib.
“Bura dostumun yanına gəlmişdim. Tikinti aparan şirkət iş görür, amma təhlükəsizlik tədbirlərinə riayət etmir. Yoxlama işləri aparmır. Məsələn, bu gün mən ölə bilərdim. Yolun digər tərəfinə keçmək istəyirdim. 5 saniyə ilə təhlükədən xilas ola bildim. Hazırda çox şükür ki, yaxşıyam. Xoşbəxtəm ki, sağ qalmışam”, – deyə o bildirib.
Son Yazılar:
- ABŞ diplomatı bu məsələ ilə bağlı Türkiyədədir
- Azərbaycanda terror aktı hazırlığında ittiham edilən şəxs məhkəmədə peşman olduğunu bildirdi
- Xəzər rayonunda narkopriton aşkarlanıb, 12 nəfər saxlanıldı
Məlumata görə, daha öncə də burada oxşar hadisə yaşanıb.
Binanın 13-cü mərtəbəsində təmir işləri aparan ev sahibi qeyd edib ki, zərərçəkənə dəyən bütün ziyanı ödəməyə hazırdır.
Məsələ ilə bağlı DİN-dən bildirilib ki, liftin qırılması nəticəsində moped və avtomobilin zərər görməsi barədə polisə məlumat daxil olub. Araşdırma aparılır.