Milli Məclisin sədri Sahibə Qafarova Özbəkistanın paytaxtı Daşkənddə Parlamentlərarası İttifaqın 150-ci Assambleyasının açılış mərasiminə qatılıb.
Bu barədə Viral.az-a Milli Məclisin Mətbuat və ictimaiyyətlə əlaqələr şöbəsindən bildirilib.
“Daşkənd şəhərində Parlamentlərarası İttifaqın 150-ci Assambleyasının açılış mərasimi keçirilib. Milli Məclisin sədri Sahibə Qafarova mərasimdə iştirak edib”, – məlumatda qeyd olunub.
Son Yazılar:
- Dilqəm həkimin yanına gedəndə öyrəndik ki…
- Mebel fabrikinin fəaliyyəti dayandırıldı
- Şimşək çaxacaq, yağış və dolu yağacaq
Tədbirdə çıxış edən Özbəkistan Ali Məclisi Senatının sədri Tənzilə Narbayeva, Parlamentlərarası İttifaqın prezidenti Tulia Akson, təşkilatın Baş katibi Martin Çunkonq mərasim iştirakçılarını salamlayaraq, Assambleya çərçivəsində müzakirə olunacaq mövzuların aktuallığı ilə bağlı fikirlərini səsləndiriblər.
Qeyd edək ki, spiker Sahibə Qafarovanın Assambleyada çıxışı nəzərdə tutulub. Azərbaycan parlamentinin sədri həmçinin tədbir çərçivəsində bir sıra ölkələrin qanunverici orqanlarının rəhbərləri ilə ikitərəfli görüşlər keçirir.