Ukrayna Prezidenti Volodimir Zelenskinin həyatına qəsddə şübhəli bilinən təhlükəsizlik xidmətinin polkovniki Rusiya işğalının ilk günlərində silahı yerə qoymağı təklif edib.
Viral.az xəbər verir ki, bu barədə “The Times” yazıb.
Son Yazılar:
- İcra başçısının birinci müavini məhkəmədə vətəndaşa UDUZDU
- Bu ölkədə göyöskürək epidemiyası elan EDİLDİ
- Premyer Liqada XIV tura bu gün start VERİLƏCƏK
“Biz silahlı qüvvələr deyilik, Ukraynanı müdafiə etmək üçün birbaşa vəzifəmiz yoxdur və mən burada Brest qalasını tikmək üçün kifayət qədər maaş almıram”, – deyə jurnalistlər polkovnikin sözlərindən sitat gətirib.
Müşahidəçilərin qeyd etdiyi kimi, rus qoşunlarının irəliləməsinin ilk günlərində o, həmkarlarını toplayıb təslim olmağa dəvət etsə də, çoxları polkovnikin sözlərini hərbi əməliyyatların başlanmasına emosional reaksiya kimi qiymətləndirib.
Xatırladaq ki, mayın əvvəlində Ukrayna Təhlükəsizlik Xidməti prezident Volodimir Zelenski, Təhlükəsizlik Xidmətinin rəhbəri Vasili Malyuk, Baş Kəşfiyyat İdarəsinin rəhbəri Kiril Budanov və digər yüksək vəzifəli dövlət rəsmilərinə sui-qəsd hazırlamaqda şübhəli bilinən Dövlət Təhlükəsizlik İdarəsinin iki polkovnikinin saxlanıldığını və həbs edildiyini açıqlayıb.
Departamentin məlumatına görə, agentlər hədəfə raket zərbəsi endirməli və lazım gəldikdə kamikadze PUA-dan istifadə etməli idilər.
Rusiya prezidentinin mətbuat katibi Dmitri Peskov Ukrayna Təhlükəsizlik Xidmətinin Zelenskiyə qarşı gözlənilən sui-qəsd cəhdi ilə bağlı bəyanatını şərh etməkdən imtina edib və qeyd edib ki, bu idarədən gələn məlumatı həqiqət kimi qəbul etmək çətindir.
(redaktor.az)
