Prezident Volodimir Zelenski Ukraynanın Avropa İttifaqına (Aİ) daxil olması ilə bağlı Sazişin bağlanması üzrə Avropa İttifaqı ilə danışıqlarda iştirak edəcək Ukrayna nümayəndə heyətinin tərkibini təsdiqləyib.
Viral.az “RBC-Ukrayna”ya istinadla xəbər verir ki, bu barədə məlumat Prezident Aparatının saytında dərc olunub.
Nümayəndə heyətinə 35 nümayəndə daxildir. Ona rəhbərlik edəcək və əsas danışıqlar aparan – Ukraynanın Avropa və Avro-Atlantik inteqrasiyası üzrə baş nazirin müavini Olqa Stefanişina olacaq.
Son Yazılar:
- Dərmanları soyuducuda saxlamaq olarmı? – Ekspert
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
Nümayəndə heyətinə həmçinin Prezident Aparatının rəhbəri Andrey Yermak və Ali Rada sədrinin birinci müavini Aleksandr Kornienko da daxildir.
Zelenskinin fərmanında həmçinin qeyd olunur ki, nümayəndə heyətinin rəhbəri müəyyən edilmiş qaydada Ukrayna nümayəndə heyətinin tərkibində dəyişikliklər edə, üzvləri arasında vəzifələri bölüşdürə, dövlət orqanlarının, müəssisələrin, idarələrin, təşkilatların işçilərini, məsləhətçiləri, ekspertləri cəlb edə bilər.
Xatırladaq ki, bu il Aİ səfirləri Ukraynanın Avropa İttifaqına daxil olması ilə bağlı danışıqlar üçün təlimatları təsdiqləyiblər. Danışıqların iyunun 25-də başlayacağı bildirilirdi. Bununla belə, Polşanın Aİ məsələləri üzrə naziri Adam Szlapka xəbərdarlıq edib ki, Ukraynanın Aİ ilə danışıqları bəzi sahələrdə mübahisəli məsələlərə görə çətin ola bilər.
Bu gün Olqa Stefanişina bildirib ki, Avropa İttifaqına gedən yolda Ukrayna öz qanunvericiliyini tamamilə uyğunlaşdırmalı olacaq.
(redaktor.az)
