“Səhiyyə təşkilatları bu gün ümumi rəqəmsal alətləri və xüsusən də süni intellekt texnologiyalarını həkimin vaxtına qənaət edən, bəzi rutin işləri yerinə yetirən, lakin həkimin, tibb işçisinin özünü əvəz etməyən köməkçi vasitələr kimi qəbul edirlər”
Viral.az xəbər verir ki, bu sözləri Rusiya Səhiyyə Nazirliyinin Mərkəzi Elmi Tədqiqat İctimai Səhiyyə İnstitutunun əməkdaşı Olqa Kobyakova Sankt-Peterburq Beynəlxalq İqtisadi Forumunun (SPIEF-2024) ixtisaslaşmış sessiyalarından “Tezliklə süni intellektin həkimləri əvəz edəcək” iddiasını TASS-a şərh edərkən deyib.
“Rusiya Federasiyası Hökuməti və Rusiya Səhiyyə Nazirliyi təxminən 10 il süni intellektə keçməyə hazırlaşmaq üçün işlər görüblər. İndi deyə bilərik ki, səhiyyə sistemi bu cür vasitələri tətbiq etməyə hazırdır”,- deyə o, əlavə edib.
Son Yazılar:
- Dərmanları soyuducuda saxlamaq olarmı? – Ekspert
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
O.Kobyakova onu da qeyd edib ki, artıq Rusiyada daxili süni intellektə malik təxminən 30-dək tibbi cihaz qeydiyyatdan keçib və bundan istifadə həkimlərin gündəlik iş yükünü bir neçə dəfə azalda bilər:
“Həkimlərə kömək etmək üçün süni intellektdən istifadə ölkənin tibb müəssisələrində tətbiq edilib. Onlar həkimlərin pasiyentlə görüşlərini təyin edir, qeydlərdən alınan məlumatları təhlil edir, diaqnozu sürətləndirir, müalicə taktikasını təklif edir və digər oxşar funksiyaları yerinə yetirir. Bununla belə, süni intellekt tətbiqi məqsədinə görə həkimi əvəz edə bilməyəcək, çünki onun hazırlanması, istifadəsi və nəzarəti ilə həkimlər və alimlər özləri məşğul olurlar”.
(redaktor.az)
