“Məndə olan məlumata görə, sərhədlərin delimitasiyası ilə bağlı proses dondurulmayıb, iş həmişəki kimi davam edir”.
Viral.az xəbər verir ki, bunu jurnalistlərə Ermənistan parlamentinin vitse-spikeri Akob Arşakyan bildirib.
O deyib ki, sərhədlərin delimitasiyası üzrə komissiya özünün seçdiyi rejimdə işləyir və kimin sualı olarsa, baş nazirin müavini Mher Qriqoryanın ofisi ilə əlaqə saxlayıb cavab ala bilər.
Son Yazılar:
- 5 il cavanlaşmaq istəyənlərə dəyərli MƏSLƏHƏT
- Buzlu suda çimmək faydalıdırmı? – ARAŞDIRMA
- B vitamininin faydaları və ÇATIŞMAZLIQLARI
Arşakyan Ermənistan-Türkiyə danışıqlarına və sərhədlərin açılması məsələsinə də toxunub:
“Biz deyirik ki, heç bir ilkin şərt olmamalıdır və ümid edirəm ki, Türkiyə ilə sərhədimizi açıq saxlaya biləcəyimiz məsələ ilə bağlı bu razılaşmaya hörmətlə yanaşılacaq”.
O qeyd edib ki, sərhədlərin açılması hər iki ölkənin və xalqın mənafeyinə uyğundur. Arşakyan bunun ən qısa zamanda baş tutacağına ümid edir.
