Bütün xərçəng hadisələrinin 40%-nin qarşısını sadəcə həyat tərzini dəyişdirməklə almaq olar.
Viral.az medicina-ya istinadən xəbər verir ki, 30 yaşdan yuxarı insanlarda 1,7 milyon şiş inkişafı halını təhlil edən alimlər bu nəticəyə gəliblər.
Tədqiqatın nəticələri “Cancer Journal for Clinicians”da dərc edilib.
Son Yazılar:
- Atasının avtomobilini qaçıran yeniyetmə qəza zamanı ÖLDÜ
- Pakistanda məzhəblərarası toqquşmalarda ölənlərin sayı 50 nəfəri ÖTDÜ
- Bu əməliyyatı pulsuz etdirə bilərsiniz: Vətəndaşların DİQQƏTİNƏ
Alimlər bildirirlər ki, insan papillomavirusuna qarşı peyvənd olunarsa, uşaqlıq boynu xərçənginin demək olar ki, qarşısını 100 faiz almaq olar.
Dərini ultrabənövşəyi şüalardan etibarlı şəkildə qoruduqda, melanomadan yayınma ehtimalı 92,2% təşkil edir.
Siqaretsiz həyat ağciyər və bronxial xərçəngə tutulma riskinin 88,2% az olması deməkdir.
Qaraciyər xərçənginin qarşısını isə hepatit B-yə qarşı peyvənd olunmaqla 74,87% almaq mümkündür.
“Helicobacter pylori” bakteriyasının törətdiyi xəstəlik müalicə olunduqda, 70,9% hallarda mədə xərçənginin qarşısını almaq olur.
İşlənmiş ətdən (kolbasa, sosis və s.) imtina etmək, qırmızı ət istehlakını azaltmaq və eyni zamanda fiziki aktivliyi artırmaq isə kolorektal xərçəng riskini yarıdan çox (54,2%) azaldır.
