UEFA Çempionlar Liqasının II təsnifat mərhələsinin ilk matçında “Qarabağ” səfərdə “Linkoln”la (Cəbəllütariq) qarşılaşıb.
Viral.az xəbər verir ki, qarşılaşma Ağdam təmsilçisinin 2:0 hesablı qələbəsi ilə yekunlaşıb.
Görüşdə hesab fasilə ərəfəsində açılıb. 45+2-ci dəqiqədə Juninyo fərqlənib. “Köhlən atlar”ın ikinci qolunu isə 75-ci dəqiqədə Toral Bayramov vurub.
Son Yazılar:
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
- Moskva son 75 ilin ən yağışlı gününü YAŞADI
Qeyd edək ki, “Qarabağ” və “Linkoln” arasında cavab oyunu bir həftə sonra Tofiq Bəhramov adına Respublika stadionunda gerçəkləşəcək. Qarşılaşmanın start fiti saat 20:00-da səslənəcək.
***
Bu gün UEFA Çempionlar Liqasında ikinci təsnifat mərhələsinin oyunlarına start veriləcək.
Viral.az xəbər verir ki, turnirdəki təmsilçimiz “Qarabağ” da yeni mövsümdə ilk rəsmi matçına çıxacaq.
Ağdam klubu Cəbəllütariqdə “Linkoln”un qonağı olacaq. Matç Bakı vaxtı ilə 20:00-da start götürəcək.
Bu komandalar arasındakı cavab matçı iyulun 30-da Bakıda keçiriləcək.
Xatırladaq ki, “Linkoln” “Qarabağ”a tanış rəqibdir. 2023/24 mövsümünün birinci mərhələsində də Ağdam təmsilçisi Cəbəllütariq çempionu ilə qarşılaşmış və hər iki matçda qələbə qazanmışdı (2:1 səfərdə, 4:0 evdə).
UEFA Çempionlar Liqası
II təsnifat mərhələsi, ilk oyun
23 iyul
20:00. “Linkoln” – “Qarabağ”
Baş hakim: İştvan Vad (Macarıstan)
Cəbəllütariq, “Europa point stadium”
