Amerikalı demokrat seçicilərin 80 faizindən çoxu ABŞ Prezidenti Co Baydenin seçki yarışından geri çəkilməsini bəyənir və demək olar, yarısı hesab edir ki, bu, Demokratlar Partiyasının seçkidə qalib gəlmə şansını artıracaq.
Viral.az xarici mediaya istinadla xəbər verir ki, bu barədə “YouGov” tədqiqat şirkəti və “CBS News” telekanalının sorğusundan məlum olub.
Son Yazılar:
- İsrail ordusu Hizbullah hədəflərinə kütləvi zərbələr ENDİRİR
- Azərbaycan Prezidenti adından yayılan bu məlumatlar saxtadır
- Bakıda baş verən partlayışda 6 nəfər yaralandı – YENİLƏNİB
Məlumata görə, sorğuda iştirak edən demokrat seçicilərin 83 faizi Baydenin ölkə prezidentliyinə namizədliyini geri götürmək qərarını bəyəndiklərini bildirib. Respondentlərin 45 faizi hesab edir ki, Baydenin yarışdan geri çəkilməsi Demokratlar Partiyasının seçkidə sabiq prezident Donald Trampı məğlub etmək şansını artıracaq.
Qeyd edək ki, iyulun 21-də ABŞ-ın hazırkı Prezidenti Cozef Bayden dövlət başçısı postuna yenidən seçilmək istəmədiyini elan edib və vitse-prezident Kamala Harrisin namizədliyini dəstəklədiyini bildirib. ABŞ-da prezident seçkiləri noyabrın 5-də keçiriləcək.
