Gürcüstan Mərkəzi Seçki Komissiyası (MSK) qərarları sadə səs çoxluğu ilə qəbul edəcək.
Viral.az xəbər verir ki, ölkə Parlamenti bununla əlaqədar Seçki Məcəlləsinə dəyişikliklər edib.
Son Yazılar:
- Dərmanları soyuducuda saxlamaq olarmı? – Ekspert
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
Seçki Məcəlləsinə əlavə və dəyişikliklər edilməsi üçün yeni qanun layihəsi hakim “Gürcü Arzusu-Demokratik Gürcüstan” partiyası tərəfindən hazırlanıb.
Layihəyə əsasən MSK qərarları sadə səs çoxluğu ilə qəbul edə biləcək. MSK üzvlərinin 2/3 səs çoxluğunu tələb edən qərarları qəbul olunmadığı təqdirdə dərhal yenidən səsverməyə çıxarılacaq və sadə səs çoxluğu ilə qəbul ediləcək.
Bildirilir ki, bu dəyişikliyin əsas məqsədi MSK-nın işini məhdudlaşdırmaq istəyənlərə qarşı mexanizm yaratmaqdır.
Digər vacib dəyişiklik beynəlxalq və yerli ekspertlərdən, monitorinq təşkilatlarından ibarət “MSK-nın məsləhət qrupu”nun ləğvi barədə təklifdir.
Hakim partiya hesab edir ki, bu dəyişikliklər MSK-nın səmərəli fəaliyyətinə töhfə verəcək və onun işində pozuntuların qarşısını almağa kömək edəcək.
