Dövlət Departamenti keçmiş ABŞ prezidentliyinə namizəd Nikki Heyli İsrailə son səfəri zamanı qızışdırıcı ritorikadan istifadə etdiyinə görə qınamaqdan çəkinib.
Viral.az bu barədə yerli mediaya istinadla xəbər verir.
“Əlbəttə, bu cür ritorika hazırkı Amerika administrasiyası tərəfindən dəstəklənmir. Biz isə bundan istifadə etməmişik. Amma səfir Heyli özəl vətəndaşdır. O, ABŞ adından danışmır, Vaşinqton administrasiyası adından danışmır”, – deyə jurnalistlər üçün keçirilən növbəti brifinqdə Dövlət Departamentinin mətbuat xidmətinin rəis müavini Vedant Patel deyib. Bununla belə, o, ABŞ hökumətinin əvvəllər ABŞ-nin BMT-dəki daimi nümayəndəsi vəzifəsində çalışmış Heylinin seçdiyi ritorikanı pislədiyini təsdiqləməyib.
Son Yazılar:
- Ailələr “TikTok”-u məhkəməyə VERDİ
- Müdafiə Nazirliyində xidməti müşavirə keçirildi
- Ərə getmək istəyən qadın falçıya yazdı, 22 mini getdi: “Mənimlə evlənəcəksən”
Ötən gün İsraildə olarkən respublikaçı Heyli artilleriya mərmisinin üzərinə “Onları bitirin!” ifadəsini yazıb. Bu anı əks etdirən fotoşəkil səfər zamanı onu müşayiət edən İsrail parlamentarisi Denni Danon tərəfindən X (keçmiş Twitter) tərəfindən yayımlanıb. Heylinin bu jesti dünyanın müxtəlif yerlərində insan haqları müdafiəçilərinin etiraz fırtınasına səbəb olub.
(redaktor.az)
