Dövlət İmtahan Mərkəzi orta ixtisas təhsili pilləsi üzrə “Subbakalavr” peşə-ixtisas dərəcəsi almış və ali təhsil müəssisələrinə müsabiqə yolu ilə qəbul olmaq istəyən şəxslər üçün “Abituriyent” jurnalının xüsusi buraxılışını çap edib.
Viral.az xəbər verir ki, bu barədə Dövlət İmtahan Mərkəzi məlumat yayıb.
“Bu xüsusi buraxılışda “2024/2025-ci tədris ili üçün Azərbaycan Respublikasının ali təhsil müəssisələrinə qəbul üzrə “Subbakalavrların ixtisas seçimi elanı”, “Subbakalavr dərəcəsini almış şəxslərin ali təhsil müəssisələrinin bakalavriat səviyyəsinə qəbulu ilə bağlı ixtisas uyğunluğu cədvəli ” və digər faydalı məlumatlar təqdim olunub.Jurnalı DİM-in əsas inzibati binasından (Bakı şəhəri, Nəsimi rayonu, Akademik Həsən Əliyev küçəsi, 299), həmçinin kitab mağazalarından almaq və ya www.abiturient.az saytından sifariş etmək mümkündür” – məlumatda bildirilib.
Son Yazılar:
- "Neftçi" Roman Qriqorçukla yollarını AYIRDI
- İran 340 İsrail əsgərini öldürüb
- “Qarabağ”ın oyununda azarkeş rekordu qeydə ALINDI
