Fransanın Daxili Təhlükəsizlik Baş İdarəsi Olimpiya Oyunlarında keçirilən tədbirləri hədəf alan terror aktının qarşısını alıb. Şübhəli 18 yaşlı oğlan evində saxlanılıb.
Viral.az xəbər verir ki, bu barədə mayın 31-də “BFM TV” məlumat yayıb.
Gənc oğlan Sent-Etyen şəhərində, “Geoffroy Guichard” stadionunda keçiriləcək futbol yarışı zamanı terror aktı törətmək niyyətində şübhəli bilinir.
Son Yazılar:
- Moskva son 75 ilin ən yağışlı gününü YAŞADI
- Netanyahu Britaniyaya gəlsə, həbs olunacaq
- Bakıda keçirilən COP29-un bitəcəyi tarix AÇIQLANDI
Şübhəli şəxs özü ittihamları rədd edir. Bununla belə, o, şifrəli messencerlərdə “ünsiyyət qurduğunu” etiraf edib.
Axtarışlar zamanı müstəntiqlər onun kompüterində Saint-Etienne stadionunun fotoşəkilini tapıblar.
Onun telefonunda stadionun videoları da tapılıb.
Həbs olunmazdan əvvəl gənc nə polisin, nə də məhkəmə orqanlarının gözü qarşısında olmayıb.
O, 2023-cü ildə valideynləri ilə birlikdə Fransaya gəlib.
“Bu, 2024-cü ildə Parisdə keçirilən Olimpiya və Paralimpiya Oyunlarında qarşısı alınan ilk, 2017-ci ildən bəri kəşfiyyat xidmətlərimiz tərəfindən qarşısı alınan 50-ci terror aktıdır”, – Fransanın daxili işlər naziri Jerald Darmanin bildirib.
Telekanalın məlumatına görə, iyulun 24-dən iyulun 31-dək olimpiya oyunları çərçivəsində “Coffroy Guichard” stadionunda kişilər və qadınlar arasında altı futbol matçı keçiriləcək.
(redaktor.az)
