Misir Prezidenti Əbdülfəttah Əs-Sisi sentyabrın 4-də Türkiyəyə səfər edəcək.
Viral.az xəbər verir ki, bu barədə “Haber Global” məlumat yayıb.
Bildirilib ki, o, türkiyəli həmkarı Rəcəb Tayyib Ərdoğanla görüşəcək. Dövlət başçıları Türkiyə-Misir Yüksək Səviyyəli Strateji Əməkdaşlıq Şurasına rəhbərlik edəcəklər
Son Yazılar:
- Dərmanları soyuducuda saxlamaq olarmı? – Ekspert
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
Liderlərin Yaxın Şərqdə, o cümlədən Qəzzadakı durumu müzakirə edəcəkləri gözlənilir. Bundan başqa, onlar qarşılıqlı maraq doğuran digər məsələlər barədə də danışacaqlar. Tərəflər arasında bir çox sahədə sənədlərin imzalanması nəzərdə tutulub.
Qeyd olunub ki, bu, Əbdülfəttah Əs-Sisinin prezident kimi Türkiyəyə ilk səfəridir.
Xatırladaq ki, cari il fevralın 14-də R.T.Ərdoğan Misirə səfər etmişdi. Bundan sonra tərəflər arasında münasibətlər qismən yumşalmışdı.
