Avqustun 26-da saat 15 radələrində Sabirabad rayonunda qətl törədilib.
Viral.az DİN-in Mətbuat xidmətinə istinadla xəbər verir ki, rayon ərazisindəki evlərin birində 1975-ci il təvəllüdlü İmanova Rəna Rafiq qızının kəsici alətlə qətlə yetirilməsi barədə polisə məlumat daxil olub.
Cinayət əməlini törətməkdə şübhəli bilinən 2007-ci il təvəllüdlü R.Q. polis əməkdaşları tərəfindən keçirilən tədbirlərlə saxlanılıb.
Son Yazılar:
- Pensiyaçılara ŞAD XƏBƏR
- Azərbaycan vətəndaşı Almaniyadan ekstradisiya olunacaq
- Polşada ölən tələbə məktəb direktorunun oğlu imiş
İlkin məlumata görə cinayət əməli tamah məqsədi ilə törədilib. Araşdırma aparılır.
Hadisə ilə bağlı Sabirabad Rayon Prokurorluğu da məlumat yayıb.
Bildirilib ki, avqustun 26-da Sabirabad rayonu ərazisində 1975-ci il təvəllüdlü Rəna İmanovanın öldürülməsi barədə rayon prokurorluğuna məlumat daxil olub.
Araşdırma zamanı 2007-ci il təvəllüdlü Ramal Qurbanlının tanışı Rəna İmanovaya bıçaqla çoxsaylı xəsarətlər yetirməklə qəsdən öldürməsinə əsaslı şübhələr müəyyən edilib.
Faktla bağlı Sabirabad rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq istintaq aparılır. Ramal Qurbanlı iş üzrə şübhəli şəxs qismində tutulub.
İbtidai istintaq davam edir.
