Körpələrin ilk dişləri təxminən yeddi aylıqlarında görünməyə başlayır. Adətən diş çıxarma əlamətləri dişlərdən iki-üç ay əvvəl özünü büruzə verir. Bu simptomlar hər uşaqda müxtəlif formalarda özünü göstərir.
Viral.az xəbər verir ki, adətən diş çıxaran bir körpədə ağız suyunun axması, tüpürcəyin mütəmadi olması səbəbindən meydana çıxan çənə və ya üz nahiyyəsində qızartılar, dəridə qurumalar, yüngül öskürək, dişləməyə meyilliliyin artması, ağrı, yeməkdən imtina etmək, ishal, hərarətin artması, yuxu pozuntuları, qulaq çəkişdirmə, yanaq qaşıma kimi əlamətlər meydana çıxa bilər.
Lakin bəzən ilk dişin çıxmasına təxminən üçüncü ayda, bəzən isə on iki və daha sonrakı aylarında rast gəlmək mümkündür. Dişlərin çıxması vaxtı adətən irsi xarakter daşıyır. Yəni, erkən diş çıxarmış valideynlərin körpələrində də bu halın təkrarlanması normaldır. Lakin bunun başqa səbəbi də ola bilər.
Son Yazılar:
- Çexiya daşqınlardan dəyən ziyanı açıqladı
- “Beşiktaş” doğma meydanda məğlub OLDU
- Məşhur azərbaycanlı tiktokerin həbsinin detalları – Fotolarla şantaj edirmiş…
Azərbaycan Tibb Universitetinin (ATU) Tədris Terapevtik Klinikasından verilən məlumata görə, diş çıxartmada gecikmə D vitamini əksikliyi və ya hormonal problemə bağlı ola bilir. Lakin bu hal sağlam körpələrdə də 14-18 aya qədər gecikə bilər. Uşağın inkişafı ayına uyğundursa, uşaqda hormonal problem və ya D vitamini çatmazlığı aşkar olunmayıbsa bu vəziyyət valideynləri qorxutmasın. Bu hal böyümə geriliyinin bir əlaməti olaraq görülməməlidir və əlavə müalicəyə ehtiyac yoxdur.
//milli.az
