Ermənistanın baş naziri Nikol Paşinyanın həyat yoldaşı Anna Akopyan Türkiyə prezidenti Rəcəb Tayyib Ərdoğanın xanımı Əminə Ərdoğanla görüşüb.
Viral.az xəbər verir ki, Anna Akopyan Nyu-Yorkda ABŞ-ın birinci ledisi Cill Baydenin adından verilən ziyafətdə Əminə Ərdoğana yaxınlaşaraq, onunla söhbət edib və şəkil çəkdirib.
Görüntülərdə Anna Akopyanın Əminə Ərdoğanla səmimi ünsiyyətdə olduğu diqqət çəkir.
Son Yazılar:
- ABŞ İŞİD-ə qarşı əməliyyatı SONLANDIRIR
- Qurtulmuş Rusiya səfərindən danışdı: Ümid edirəm ki…
- Xocavənddə ölümlə nəticələnən yol qəzası baş verib
Xatırladaq ki, Nikol Paşinyan həyat yoldaşı Anna Akopyanla sentyabrın 22-də Amerika Birləşmiş Ştatlarına işgüzar səfər edib. Bu səfər sentyabrın 27-də başa çatacaq.
Nikol Paşinyan dünən BMT Baş Assambleyasının 79-cu sessiyası çərçivəsində Türkiyə prezidenti Rəcəb Tayyib Ərdoğanla görüşüb. Nyu-Yorkdakı “Türk evi”ndə keçirilən həmin görüşdə Ərdoğan “Daha ədalətli bir dünya mümkündür” adlı imzalı kitabını Paşinyana hədiyyə edib. Nikol Paşinyanın kitabı alandan sonra kameralara gülərək, poza verməsi erməni cəmiyyətində birmənalı qarşılanmayıb.
Baş nazirin hərəkətindən qəzəblənən radikal düşüncəli və revanşist xislətli ermənilər sosial şəbəkələrdə ona qarşı nifrət və kin püskürüblər (modern.az).
