Azərbaycan Respublikası Mərkəzi Seçki Komissiyasının sədri Məzahir Pənahovun başçılıq etdiyi geniş nümayəndə heyəti 2024-cü oktyabrın 6-da Qazaxıstan Respublikasında keçiriləcək referendumu müşahidə etmək məqsədilə bu ölkəyə səfər edib.
Mərkəzi Seçki Komissiyası Katibliyinin Media və kommunikasiya şöbəsindən Viral.az-a verilən xəbərə görə, Qazaxıstan Mərkəzi Seçki Komissiyasının sədri Nurlan Abdirovun dəvətinə əsasən reallaşdırılan səfər çərçivəsində M.Pənahovun Qazaxıstanlı həmkarı ilə yanaşı, digər rəsmi şəxslər, eləcə də referendumun müşahidəsinə qatılan təşkilatlar və xarici ölkələrin seçki idarəetmə orqanlarının rəhbərləri ilə görüşlər keçirməsi, seçkilərə bağlı müxtəlif istiqamətlərdə əlaqələrin inkişaf perspektivləri, əməkdaşlıq imkanları və qarşılıqlı maraq kəsb edən məsələlərlə ətrafında müzakirələr aparılması nəzərdə tutulur.
Qeyd edək ki, Azərbaycan Respublikası Mərkəzi Seçki Komissiyasının təmsilçiləri, həmçinin Türk Dövlətləri Təşkilatı və Müstəqil Dövlətlər Birliyi müşahidə missiyalarının tərkibində də sözügedən referendumun izlənilməsində iştirak edirlər.
Son Yazılar:
- Leysan yağacaq, duman olacaq – Sabahın HAVASI
- İcra başçısı bacısı oğlunu yenidən özünə köməkçi təyin etdi
- Zümrüd Yağmur axtarışa VERİLDİ
Mərkəzi Seçki Komissiyasının nümayəndələri səsvermə günü Qazaxıstan paytaxtında və bölgələrdə yerləşən məntəqələrdə müşahidə aparacaqlar.
