“Uzun müddətdir, bu problem var idi. Lakin son bir həftədə davamlı olaraq işıqlarımız sönür. Hər gün saat 10-dan 5-ə qədər işıqlarımız kəsilir”.
Viral.az xəbər verir ki, bunu Xırdalan şəhəri AAAF Park yaşayış massivi, Olimp Kompleks 26-cı məhəllənin bir qrup sakini müraciət edib.
Sakinlərin sözlərinə görə, işıqların sönməsinə səbəb AAAF Park yaşayış kompleksinin “Azərişıq” ASC-yə olan borcudur: “Şirkətin “Azərişığ”a 200 000 manat borcu var. Buna görə də hər gün gəlib bizim işıqları söndürürlər. Bu da bizim bütün işlərimizə mane olur. Soyuducuya nəsə alıb qoya bilmirik, xarab olur. Heç bir iş edə bilmirik. Kimsə pul yeyib deyə biz əziyyət çəkirik. Digər binalarda da bu hal baş verir. Lakin ən çox bizim binada işıq sönməsi olur. Bizim bina “Azərişığ”a təhvil verilməyib. Hər ay komendanta işıqpulumuzu ödəyirik. Artıq 2013-dən bəri belədir. Məhkəmə də qərar çıxarıb ki, AAAF borcu ödəsin. Şirkət “Azərişıq”la danışıqlar aparır ki, aylıq 2000 manat ödəniş etsinlər”.
Son Yazılar:
- Dekabrın bu 4 günü ilə bağlı XƏBƏRDARLIQ – Vacib işləri təxirə salın
- Professor İlham Rəhimov Sankt-Peterburq Dövlət Universitetinin Fəxri doktoru oldu
- Türkiyədə güclü zəlzələ oldu – Dağıntı və tələfat…
İddialarla bağlı AAAF Park yaşayış kompleksi ilə əlaqə saxladıq. Şirkətin hüquqşünası Emin Səlimov bildirdi ki, məsələ ilə bağlı heç bir məlumatı yoxdur (qafqazinfo.az).
