”Ortaq Dəyərlər” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə icra etdiyi “Xarici ölkələrdə yaşayan azərbaycanlıların haqlarının müdafiəsi” layihəsinin yekunu olaraq “50 milyonun Zəfəri” adlı konfrans keçirib.
Viral.az xəbər verir ki, Sosial Tədqiqatlar Mərkəzinin “Zəfər zalı”nda keçirilən konfransda millət vəkilləri, dövlət qurumlarının nümayəndələri, QHT və media təmsilçiləri iştirak edib.
Konfransı açan ”Ortaq Dəyərlər” İctimai Birliyinin sədri Aqil Camal bildirib ki, 5 aylıq layihə çərçivəsində aktiv baxış sayları olan 11 teledebat təşkil olunub, 12 xüsusi məqalə hazırlanaraq mediada və sosial şəbəkələrdə yayınlanıb, 1 nömrəli Uşaq-Gənclər İnkişaf Mərkəzinin təşkilati köməkliyi ilə “50 milyonun Zəfəri” adlı rəsm müsabiqəsi keçirilib.
Son Yazılar:
- Ermənilərin oğurlamaq istədiyi mahnımızın əsl adı NƏDİR?
- Moldova Rusiyaya qarşı bu sanksiyaya QOŞULDU
- Ukrayna bu müddətdə AB üzvü olacaq
Konfransda çıxış edən Milli Məclisin İctimai təşkilatlar və dini qurumlarla iş komitəsinin sədri Fazil Mustafa layihənin mövzusunun tarixi Zəfər qazanmış dövlətin və millətin qarşıdakı dövrdəki hədəflərinin müəyyənləşdirilməsi və geniş kütlələrə çatdırılması baxımından əhəmiyyətli olduğunu bildirib.
Diasporla İş üzrə Dövlət Komitəsinin Media, kommunikasiya və analitik təhlil şöbəsinin müdiri Vəsilə Vahidqızı təmsil etdiyi qurum tərəfindən xaricdə yaşayan soydaşlarımızla 44 günlük Vətən müharibəsi günlərində aparılan işlərdən, həmçinin, xarici ölkələrdə yaşayan azərbaycanlıların ana dilində təhsili sahəsində görülən işlərdən bəhs edib. Hər iki mövzuda Komitənin fəaliyyətini əks etdirən video-çarxlar nümayiş etdirilib.
QHT-lərə Dövlət Dəstəyi Agentliyinin Müşahidə Şurasının üzvü Zaur İbrahimli, Milli Məclisin deputatı Vüqar İskəndərov, Sosial Tədqiqatlar Mərkəzinin Sosial Tədqiqatlar Mərkəzinin Media və Kommunikasiya Departamentinin müdiri Əziz Əlibəyli, həmçinin, iştirakçılardan professor Fuad Məmmədov, Rauf Zeyni, Faiq Ələkbərli konfransın mövzusu ətrafında danışaraq qeyd ediblər ki, yüzillərlə məğlubiyyət sindromu ilə yaşamış dünya azərbaycanlıları, 44 günlük müharibədə qazanılmış tarixi Zəfərimizi milli birliyimizin əsas qaynağına çevirməklə, növbəti hədəflərinə doğru yürüməlidirlər.
Konfransın sonunda layihə çərçivəsində keçirilən müsabiqədə qalib gələn 15 yeniyetmə rəssam sertifikat və hədiyyələrlə təltif olunub. Rəsimlərə baxış keçirilib.
