Məşhur milyarder Roman Avdeyev Rusiyadakı son aktivini satdığını açıqlayıb.
Viral.az xəbər verir ki, Avdeyev “Forbes”in reytinqində 1,2 milyard dollar sərvəti ilə Rusiyanın 108-ci milyarderi idi.
“Həyatımda bir əlamətdar hadisəni bölüşmək istərdim: bu gün “Rossium” konsernindəki payımın Sergey Sudarikovun strukturlarına satılması üzrə əməliyyat başa çatıb. Alqı-satqı nəticəsində mənim Rusiyada heç bir aktivim və biznes layihəm yoxdur”, – iş adamı Facebook səhifəsində yazıb.
Son Yazılar:
- Rusiya İranla bağlı qadağanı UZATDI
- ABŞ Ukraynaya yeni hərbi yardım paketi AYIRACAQ
- Pakistan Prezidenti Dubay hava limanında təyyarədən enərkən ayağını SINDIRDI
Lakin o, şirkətdəki payını niyə satdığını, eləcə də sövdələşmənin məbləğini açıqlamayıb.
“Rossium” konserni 2006-cı ildə Avdeyev tərəfindən təsis edilib. Şirkət maliyyə sektorunda böyük investisiyaları olan investisiya holdinqidir. Onun əsas aktivi Moskva Kredit Bankıdır. 2019-cu ilin sonunda Avdeyev aktivlərini “Region” investisiya qrupunun əsas səhmdarı Sudarikov (“Forbes”ə görə 1,8 milyard dollar sərvəti var) ilə birləşdirməyə razılaşmışdı.
Avdeyevin 57 yaşı var, evlidir, 23 uşağı var, onlardan 17-si övladlığa götürülüb.
Ukraynadakı müharibə zamanı iş adamının sərvəti 2021-ci ildə 1,8 milyard dollar idi. İndi isə onun sərvəti 1,2 milyard dollara qədər azalıb.
Bundan əvvəl ən azı 7 milyarder Rusiya vətəndaşlığından imtina edib. Onların arasında “Coalco və Bolshoye Domodedovo”nun keçmiş sahibi Vasili Anisimov (1,6 milyard dollar), “Freedom holdinq”in təsisçisi və əsas sahibi Timur Turlov (2,4 milyard dollar), “Troyka Dialoq” investisiya şirkətinin təsisçisi Ruben Vardanyan (1,3 milyard dollar), DST Global investisiya şirkətinin təsisçisi Yuri Milner (7,3 milyard dollar), “Revolut”un təsisçisi Nikolay Storonski (7,1 milyard dollar), “Areti” enerji şirkətinin təsisçisi İqor Makarov (2,2 milyard dollar), “Tinkoff Group”un təsisçisi Oleq Tinkov (0,86 milyard dollar) kimi milyarderlər yer alır.
