İlan sancması nəticəsində ağır vəziyyətdə Kliniki Tibbi Mərkəzə (KTM) gətirilən 7 aylıq hamilə qadın ana olub.
Viral.az xəbər verir ki, bu barədə KTM məlumat yayıb.
Bildirilib ki, ilan sancması səbəbilə Ağstafa rayonundan Kliniki Tibbi Mərkəzin Təcili və Təxirəsalınmaz Tibbi Yardım şöbəsinə hospitalizasiya olunan pasiyentin körpəsi elə KTM-də dünyaya gəlib.
Son Yazılar:
- Müğənninin tələbə olan yeganə qızı gecə klubunda öldü
- Baş nazir bu qərarı ləğv ETDİ
- Sertifikasiyadan ən çox onlar uğur QAZANDI
Oktyabrın 31-də Ağstafa rayonundan KTM-in doğum şöbəsinə gətirilən qadın fəsadlaşmış analıq anamnezi ilə Ginekoloji Patologiya şöbəsinə qəbul olunub.
Qadın daxil olduğu gündən noyabrın 6-sı tarixinə qədər müvafiq müayinələrdən keçib və stasionar şəkildə müalicələr alıb.
Ötən gün ananın və dölün perinatal mühafizəsi məqsədilə tibbi göstərişlərə əsasən, keysəriyə kəsiyi əməliyyatı icra olunub. Çəkisi 3 kq, boyu 51 sm olan oğlan uşağı dünyaya gəlib.
Hazırda ananın və körpənin vəziyyəti kafidir.
