Azərbaycanlı gənc şair Rauf Ra vəfat edib.
Viral.az qafqazinfo.az-a istinadla xəbər verir ki, bu barədə onun yaxınları sosial şəbəkədə paylaşım ediblər.
Məlumata görə, o, dəm qazından boğularaq dünyasını dəyişib.
Son Yazılar:
- Putin Şoltsa bunları dedi – Kreml açıqladı
- “Yuventus” Pol Poqba ilə rəsmən yollarını AYIRDI
- Gənc şair faciəvi şəkildə vəfat etdi FOTO
Mərhum şairin şeirlərindən bir neçəsini təqdim edirik:
Süjet
uşaq idim,
həkimlər atamın bir ay
ömrü qaldığını demişdilər.
divar saatının
daşını çıxarmaq istəyirdim,
qorxdum ki, anam
işə gecikər.
Fraqment
dünən
uşaq ikən ən sevdiyim
cizgi filminə baxdım,
nədənsə heç bir personaj
böyüməmişdi.
***
Qürub,
tək ayaqla addımlayır əlil uşaq,
fırladır əsasıyla
yorulmuş Yer kürəsini.
Avreliyə…
Əzab nədir, Avreli,
sevgilərin sonrası
bir gedişin ağrısı?
ya
kasıb bir daxmada
bir gecənin yarısı
südsüz qalan körpənin
süd dişinin ağrısı?
***
Küçədəki bomjun
zibil qutusunda
çörək axtarması kimi
axtarıram uşaqlığımı
ömür dediyinizdə…
***
İndi səni unutmaq
yol kənarında əl açan
dilənçi yanından
– yalançıdır, deyib
keçmək kimi…
keçirsən
və qəfildən dayanırsan:
-Birdən əgər deyilsə?..
