ABŞ Meksika mallarına rüsum tətbiq edərsə, cavab tədbirləri görüləcək.
Viral.az xəbər verir ki, bunu Meksika Prezidenti Klaudiya Şeynbaum deyib.
“Bir tarif qarşılığında başqa bir tarifə səbəb olacaq və bu, ümumi şirkətlərimizi təhlükə altına alana qədər davam edəcək”, – Şeynbaum sərhədin hər iki tərəfində zavodları olan ABŞ-nin avtomobil istehsalçıları barədə danışarkən söyləyib.
Son Yazılar:
- Növbəti il fantastik olacaq – Orban
- Rusiya, İraq və Səudiyyə Ərəbistanı neft bazarını müzakirə ediblər
- ABŞ Türkiyəyə “F-35” qırıcılarının təhvil verilməsi ilə RAZILAŞDI
Daha əvvəl yeni seçilmiş Prezident Donald Tramp ABŞ-yə qanunsuz miqrant və narkotik axınını məhdudlaşdırmayacağı təqdirdə Meksikanın mallarına 25 faiz rüsum tətbiq edilə biləcəyini demişdi. Meksika Prezidenti isə öz növbəsində mübahisəli məsələlərlə bağlı danışıqlara hazır olduğunu bildirib, lakin qeyd edib ki, onun fikrincə, narkotiklər Meksikanın deyil, Amerikanın problemidir.
Bununla belə, o vurğulayıb ki, Meksika artıq ABŞ-yə qanunsuz miqrantların və narkotiklərin axınını məhdudlaşdırmaq üzrə tədbirlər görüb.
