Ukrayna Nazirlər Kabineti hökumət orqanlarına elektrik enerjisi istehlakını azaltmaq barədə göstəriş verib.
Viral.az “RBC-Ukrayna”ya istinadla xəbər verir ki, Baş nazir Denis Şmiqal iyunun 7-də Nazirlər Kabinetinin iclasında müvafiq qərarı açıqlayıb.
“Biz istehlakı azaltmaq üçün çalışırıq. Bu gün biz müvafiq dövlət sifarişini qəbul edirik”, – deyən hökumət rəhbərinin sözlərinə görə, nazirliklər, mərkəzi icra hakimiyyəti orqanları, rayon dövlət idarələri kondisionerlərdən istifadədən, binaların və ətraf ərazilərin xarici işıqlandırılmasından imtina etməlidirlər. Bundan başqa, hüquq-mühafizə orqanlarına, məhkəmə orqanlarına və digər dövlət qurumlarına da analoji addımların atılması tövsiyə olunub. Yerli hakimiyyət orqanları küçələrin işıqlandırılmasını məhdudlaşdırmalıdır.
Son Yazılar:
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
- Moskva son 75 ilin ən yağışlı gününü YAŞADI
“Biz həmçinin biznesləri istehsal fəaliyyəti üçün kritik olmayan kondisionerlərin və digər enerji tutumlu avadanlıqların istifadəsini məhdudlaşdırmağa çağırırıq”, – baş nazir deyib.
Bununla belə, o, istisnanın kondisionerin istehsal prosesinin bir hissəsi olduğu xəstəxana və fabriklərdə istifadə olunacağını söyləyib.
Qeyd edək ki, Rusiyanın Ukraynanın enerji infrastrukturuna məqsədyönlü hücumları səbəbindən energetika işçiləri işıqların kəsilməsi qrafiki tətbiq etmək məcburiyyətində qalıb. Bununla belə, elektrik enerjisindən istifadə limitinin aşılması səbəbindən fövqəladə söndürmələr də vaxtaşırı tətbiq edilir.
Bunun fonunda ukraynalılardan elektrik enerjisi istehlakına daha məsuliyyətli yanaşmaları – mümkünsə kondisionerlərdən istifadə etməmələri, yüklənmənin pik saatlarından kənarda ev işləri ilə məşğul olmaları xahiş olunur.
Cümə günü, iyunun 7-də Ukraynada işıqların gün ərzində qrafikə uyğun olaraq söndürülməsi planlaşdırılır. Bununla belə, müəyyən edilmiş limitlər aşılırsa, fövqəladə söndürmələr mümkündür.
(redaktor.az)
