Türkiyənin enerji və təbii ehtiyatlar naziri Alparslan Bayraktar İstanbulda Qaz Ticarət Mərkəzinin yaradılması planlarını açıqlayıb.
Viral.az xəbər verir ki, türkiyəli nazir Sankt-Peterburq Beynəlxalq İqtisadi Forumu platformasında jurnalistlərlə söhbətində son illər Türkiyədə müasir enerji infrastrukturunun yaradılması istiqamətində genişmiqyaslı işlərin aparıldığını bildirib.
Son Yazılar:
- Kanada Ukraynaya NASAMS HHM sistemi verdiyini TƏSDİQLƏDİ
- “Yalı çapkını” final edə bilər
- ABŞ səfirliyi yaxınlığındakı şübhəli obyekt mulyaj bomba olub
“Yeni Qaz Ticarət Mərkəzi İstanbul Maliyyə Mərkəzinin ərazisində fəaliyyət göstərəcək. Hazırda müvafiq hazırlıq işləri aparılır, infrastruktur bazası formalaşdırılır. Bu istiqamətdə növbəti addım Türkiyənin BOTAŞ və Rusiyanın “Qazprom” şirkətlərinin təsis edəcəkləri ortaq enerji şirkətinin fəaliyyəti olacaq”, -deyə nazir qeyd edib.
O xatırladıb ki, Rusiya Federasiyası ilə Türkiyə arasında təbii qaz ticarəti üzrə əməliyyatlar 40 ildir davam edir.
Türkiyə Energetika Nazirliyinin rəhbəri ölkədə nüvə enerjisinin inkişafının vacibliyinə də diqqət çəkib. O deyib: “2050-ci ilədək Türkiyədə ümumi gücü 15 min MVt olacaq 12 reaktorun istismarını planlaşdırırıq”.
Nazirin sözlərinə görə, nüvə enerjisindən daha çox istifadə tendensiyası bütün dünyada baş verir ki, bu da ətraf mühitin çirklənməsinin azaldılması üzrə qlobal məqsədlərə uyğundur.
A.Bayraktar vurğulayıb: “COP28 konfransı çərçivəsində çox iddialı bir məqsəd qarşıya qoyuldu: atom elektrik stansiyalarının gücünü üç dəfə artırmaq və bununla da qlobal istiləşmə ilə mübarizədə bəşəriyyətə kömək etmək. Bu vəzifə Türkiyənin nüvə enerjisi sahəsindəki hədəfləri ilə üst-üstə düşür”.
