Türkiyənin Adana şəhərində ictimai nəqliyyatda insident baş verib.
Viral.az “Hürriyet”ə istinadən xəbər verir ki, 26 yaşlı Sabriye A. bir müddətdir, ayrı yaşadığı həyat yoldaşının idarə etdiyi sərnişin avtobusuna daxil olaraq ona xəsarətlər yetirib.
Belə ki, avtobusa arxa qapıdan daxil olan qadın Mehmet adlı ərinin üzünə ilk olaraq gözyaşardıcı qaz sıxıb, daha sonra qolunu dişləyib. Sərnişinlər qadına mane olmaq istədikdə isə onlara da gözyaşardıcı qaz sıxıb və ərini boynundan bıçaqlayıb.
Son Yazılar:
- Yeni informasiya sistemi yaradıldı – REİS
- İlham Əliyev yeni səfirləri qəbul etdi – Yenilənir
- Bələdiyyə üzvlüyünə namizədlər AÇIQLANDI
Sabriye hadisə yerindən qaçsa da, polis tərəfindən saxlanılıb. O, ifadəsində bildirib ki, bir müddət əvvəl həyat yoldaşı ilə boşanmağa qərar veriblər. Onun sözlərinə görə, əri 2 yaşlı uşaqlarını ona göstərmədiyindən hiddətlənib.
Məhkəmə qarşısına çıxarılan Sabriye barəsində ev həbsi qərarı verilib.