Ermənistan parlamentinin deputatları növbədənkənar iclasın çağırılması üçün petisiya təqdim ediblər, onun gündəliyinə bir məsələ daxildir: hökumətin istefası və yeni hökumətin formalaşdırılması.
Viral.az xəbər verir ki, bu barədə jurnalistlərə parlamentdəki müxalif “Hayastan” fraksiyasının üzvü Artsvik Minasyan bildirib.
O əlavə edib ki, 3 saat əvvəl 33 deputatın imzası ilə parlamentə müraciət edilib.
Son Yazılar:
- Dərmanları soyuducuda saxlamaq olarmı? – Ekspert
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
“Hayastan” və “Mənim şərəfim var” fraksiyaları bu məsələnin parlamentin bugünkü iclasına daxil edilməsini və sabah saat 18:30-da növbədənkənar iclasın çağırılmasına qərar verilməsini tələb edən vəsatət qaldırıblar.
Şura sabah iclas çağırmağı məqsədəuyğun hesab etməsə belə, iyunun 17-si saat 18:30-a qədər çağırıla bilər.
Minasyan əlavə edib ki, 35 deputatın imzası olacaq, lakin iki deputat hələlik texniki səbəblərdən petisiyaya imza atmayıb.
“Növbədənkənar iclas çağırmaq üçün lazımi sayda imzalarımız var. Şurada da mütləq çoxluq təşkil edən siyasi çoxluğun davranışı onların niyyətini göstərəcək”, – deyə o əlavə edib.
Parlament Şurası müxalifət fraksiyalarının təklifini rədd edərsə, o zaman “Ermənistan Milli Assambleyasının reqlamenti haqqında” qanuna əsasən, parlamentin növbədənkənar sessiyası 5-ci iş günündə çağırılır: iyunun 17-si yerli vaxtla saat 18.30-da.
