Bu gün Türkiyə prezidenti, hakim Ədalət və İnkişaf Partiyasının (AKP) sədri Rəcəb Tayyib Ərdoğan ana müxalifət mövqeyindəki Cümhuriyyət Xalq Partiyasının (CHP) qərargahına baş çəkəcək, bu partiyanın sədri Özgür Özellə görüşəcək.
Viral.az xəbər verir ki, bu, sonuncu bələdiyyə seçkilərindən sonra başladılan normallaşma (yumşalma) prosesi çərçivəsində liderlərin ikinci görüşüdür.
Son Yazılar:
- Moskva son 75 ilin ən yağışlı gününü YAŞANDI
- Netanyahu Britaniyaya gəlsə, həbs olunacaq
- Bakıda keçirilən COP29-un bitəcəyi tarix AÇIQLANDI
Bir müddət əvvəl CHP sədri AKP qərargahında olmuş, Ərdoğanla müzakirələr aparmışdı. Bugünkü görüş Ərdoğanın 18 il sonra CHP qərargahına ilk gəlişi şəraitində keçiriləcək. Ərdoğan sonuncu dəfə 2006-cı ildə dönəmin CHP sədri mərhum Deniz Baykalı partiyanın yeni qərargaha köçməsi münasibətilə ziyarət etmişdi.
Ərdoğan-Özel görüşünün gündəliyinə gəlincə, normallaşma (yumşalma) prosesinin davamı çərçivəsində siyasi, hüquqi, sosial-iqtisadi və digər cari məsələlərin müzakirəsi gözlənilir.
Bundan əvvəlki görüş nəticəsində CHP-nin kölgə kabinetinə daxil olan siyasətçilərlə nazirlərin görüşünün təşkili və “28 Şubat” prosesi çərçivəsində həbs olunan generalların əfvi kimi addımlar atılmışdı.
