Londonda İngiltərə və Uelsin Ali Məhkəməsi gələn ay “WikiLeaks”in qurucusu Culian Assancın ABŞ-yə ekstradisiyası ilə bağlı əvvəlki qərardan şikayətinə baxacaq.
Viral.az xəbər verir ki, bu barədə “Reuters” Böyük Britaniya Ədliyyə Xidmətinin bəyanatına istinadən məlumat yayıb.
Məhkəmə iyulun 9-10-na təyin edilib.
Son Yazılar:
- Ailələr “TikTok”-u məhkəməyə VERDİ
- Müdafiə Nazirliyində xidməti müşavirə keçirildi
- Ərə getmək istəyən qadın falçıya yazdı, 22 mini getdi: “Mənimlə evlənəcəksən”
Mayın 20-də 52 yaşlı Assanjın vəkilləri onun ABŞ-yə ekstradisiyasına dair qərara etiraz etmək hüququ əldə ediblər. 2019-cu ildən bəri avstraliyalı Ekvadorun Britaniya paytaxtındakı səfirliyindən qovulduqdan sonra yerləşdirildiyi Belmarş yüksək təhlükəsizlik həbsxanasında saxlanılır. Beş ildən artıqdır ki, Vaşinqton Londondan onu ABŞ-yə ekstradisiya etməyə çalışır, lakin Assanjın müdafiəsi bunun qarşısını almaq üçün yeni cəhdlər edir. 2022-ci ilin iyununda Britaniyanın o vaxtkı daxili işlər naziri Priti Patel Assanjın işinə həm Westminster Magistrates Məhkəməsi, həm də İngiltərə və Uels Ali Məhkəməsi tərəfindən baxıldıqdan sonra onun ekstradisiyasına qərar verdi, bundan sonra apellyasiya prosesi başladı.
Assanc Birləşmiş Ştatlarda Amerika tarixində ən böyük məxfi məlumatların açıqlanması ilə bağlı cinayətlərdə ittiham olunur. Ona qarşı irəli sürülən ittihamların cəminə əsasən, onu 175 il həbs cəzası gözləyir.
(redaktor.az)
