Türkiyənin Radio və Televiziya Ali Şurası İstanbulun həbsdə olan bələdiyyə sədri Əkrəm İmamoğluna dəstək məqsədilə törədilən kütləvi iğtişaşları işıqlandıran “Sözcü” telekanalına 10 günlük yayım qadağası tətbiq edib.
Viral.az xəbər verir ki, bu barədə “Yeni Şafak” məlumat yayıb.
Qeyd olunub ki, tənzimləyici orqan telekanalın bəzi şərhlərini ictimai nifrət və düşmənçiliyi qızışdırmağa çağırışlar kimi qiymətləndirib.
Son Yazılar:
- Litvada itkin düşən 3 ABŞ əsgəri ölü tapıldı
- Ermənistan dezinformasiya yayır
- Moldova sülhməramlı əməliyyatın idarə olunması üzrə rusiyalı həmsədri ölkədən çıxarır
Eyni zamanda “Halk TV” və “Tele 1” telekanallarına aid beş proqramın yayımına qadağa qoyulub, inzibati cərimələr tətbiq edilib. “NOW TV “və “Ak ll” telekanallarına da cərimələr kəsilib.
Qeyd edək ki, martın 19-dan etibarən Türkiyənin müxtəlif şəhərlərində müxalifətin İmamoğluna dəstək məqsədilə mitinqləri və nümayişləri keçirilib. Aksiyalar xüsusilə İstanbul və Ankara şəhərlərini əhatə edib. Türkiyə Daxili İşlər Nazirliyinin məlumatına görə, sonradan iğtişaşlara çevrilən aksiyalarda 1 879 nəfər saxlanılıb. Onlardan 260-ı həbs olunub.