Rusiya ordusunun iyunun 12-də Ukraynanın Krivoy Roq şəhərini atəşə tutması nəticəsində azı 8 mülki şəxs həlak olub, 21 nəfər yaralanıb.
Viral.az xəbər verir ki, bu barədə Ukrayna Baş Prokurorluğu məlumat yayıb.
Son Yazılar:
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
- Moskva son 75 ilin ən yağışlı gününü YAŞADI
Daha 4 nəfər itkin hesab olunur, xəsarət alanlar arasında uşaqlar da var.
Bu faciə barədə isə Ukrayna Prezidenti Volodimir Zelenski “Telegram” səhifəsində başsağlığı verib.
“Rusiyanın Krivoy Roqa raket zərbəsi nəticəsində həlak olanların ailələrinə və yaxınlarına başsağlığı verirəm”, – deyə dövlət başçısı qeyd edib. O əlavə edib ki, bu cür hücumlar Ukraynanın hava hücumundan müdafiəsinin gücləndirilməsinin zəruriliyini göstərir.
Zelenskinin sözlərinə görə, müasir hava hücumundan müdafiə sistemləri mülki şəxsləri, şəhərləri və Ukrayna əsgərlərinin mövqelərini maksimum dərəcədə müdafiə edə bilər.
