Avropa Ədalət Məhkəməsi Macarıstanı Avropa İttifaqının miqrasiya qaydalarına əməl etmədiyinə görə 200 milyon avro cərimə və 2020-ci ildə çıxarılan qərarın icrasının gecikdirilməsinə görə hər gün üçün 1 milyon avro ödəməsi barədə qərar çıxarıb.
Viral.az xarici KİV-ə istinadən xəbər verir ki, Məhkəmə öz qərarında Macarıstanın 2020-ci il qərarını yerinə yetirmək üçün lazım olan tədbirləri görmədiyini bildirib.
Son Yazılar:
- Dərmanları soyuducuda saxlamaq olarmı? – Ekspert
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
“Bütövlükdə Aİ-nin ümumi siyasətinin tətbiqindən bilərəkdən yayınmaqdan ibarət bu uğursuzluq Aİ qanunvericiliyinin görünməmiş və son dərəcə ciddi pozuntusudur”, – deyə qərarda qeyd olunub.
Qeyd edək ki, 2020-ci ilin dekabrında Avropa Ədalət Məhkəməsi qərar vermişdi ki, Macarıstan Aİ-nin beynəlxalq müdafiənin təmin olunması və qeyri-qanuni miqrantların geri qaytarılması ilə bağlı siyasətinə tabe olmayıb. Blokun icraedici qolu olan Avropa Komissiyası Macarıstana maliyyə sanksiyaları tələb etmək üçün məhkəməyə müraciət etmişdi.
2015-ci ildə Avropaya miqrant axınından sonra Viktor Orban hökuməti bu məsələdə sərt mövqe nümayiş etdirir. Ölkəyə miqrantların daxil olmasının qarşısını almaq üçün sərt tədbirlər görülüb. 2020-ci ildə COVID-19 pandemiyasının yayılmasından sonra hökumət beynəlxalq müdafiə axtaran insanları Macarıstana daxil olmaq üçün səfirliklərdən səyahət icazəsi almaq üçün Belqrad və ya Kiyevə getməyə məcbur edən qanun qəbul edib.
Avropa Komissiyası Macarıstanı qanuna görə Avropa Ədalət Məhkəməsinə verib və bu ölkənin Aİ-yə üzv 27 ölkənin qaydalarına uyğun öhdəliklərini yerinə yetirmədiyini təkid edib. Qaydalar bütün üzv ölkələri sığınacaq verilməsi üçün ümumi prosedurlara malik olmağa məcbur edir.
Avropa Ədalət Məhkəməsinin sözçüsü bildirib ki, gündəlik 1 milyon avro əlavə cərimə cümə axşamından etibarən tətbiq edilir.
