İyunun 15-i saat 10:00-a olan məlumata əsasən əvvəlcədən xəbər verildiyi kimi, ölkə ərazisində qeyri-sabit, yağıntılı hava şəraiti davam edib.
Bu barədə Viral.az-a Milli Hidrometeorologiya Xidmətindən məlumat verilib.
Son Yazılar:
- Dərmanları soyuducuda saxlamaq olarmı? – Ekspert
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
Bildirilib ki, bəzi yerlərdə arabir leysan xarakterli yağış yağıb, şimşək çaxıb. 3000 metrdən yüksəkdə yerləşən dağlıq ərazilərə qar yağıb.
Düşən yağıntının miqdarı Kürdəmirdə 28 mm, Qobustanda 27 mm, Şəkidə 14 mm, Oğuzda 12 mm, Qrızda 11 mm, Beyləqanda 7 mm, Şahdağda 5 mm, Quba, Qusar, Qrız, Qəbələ, Xaltan, Sabirabad, Balakəndə 4 mm-dək, Bakıda və Abşeron yarımadasında isə 1 mm-dək olub.
Yağan leysan xarakterli intensiv yağışlarla əlaqədar iyunun 14-ü axşam Şabran rayonu ərazisindən axan Gilgilçay-Şabran, İsmayıllı rayonu ərazisindən axan Göyçay-Buynuz, Ağsu rayonu ərazisindən axan Ağsuçaydan, iyunun 15-də gecə isə Qobustan rayonu ərazisindən axan Pirsaatçay-Poladlı məntəqələrindən sel keçib.
Qrız, Lerik, Şabranda duman muşahidə olunub.
İyunun 14-ü şərq küləyi arabir Naftalanda 20 m/s, Sabirabadda 17 m/s, Şəkidə 15 m/s-dək güclənib.
Havanın maksimal temperaturu Bakıda və Abşeron yarımadasında 33, Naxçıvan MR-da 36, Aran rayonlarında 36, dağlıq rayonlarda 25, yüksək dağlıq ərazilərdə 11 dərəcəyədək isti olub.
