ABŞ-ın keçmiş prezidenti Donald Tramp qarşıdan gələn prezident seçkilərinin nəticələrini həll edə biləcək altı ştatda dəstək baxımından indiki dövlət başçısı Co Baydeni qabaqlayır.
Viral.az xəbər verir ki, bunu Amerikanın Emerson College universitetinin analitik xidməti və The Hill qəzetinin keçirdiyi sorğunun nəticələri sübut edir.
Tramp Arizona (47%-43%), Corciya (45%-41%), Viskonsin (47%-44%), Nevada (46%-43%), Pensilvaniya (47%-43%) və Miçiqan (46% -dən 45%) ştatlarında Bayden üzərində üstünlüyə malikdir.
Son Yazılar:
- Dərmanları soyuducuda saxlamaq olarmı? – Ekspert
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
Sorğu iştirakçılarının əksəriyyəti eks-prezidentə və hazırkı Amerika liderinin oğlu Hanter Baydenə qarşı təqsirli hökmlərin onların səslərinə təsir etməyəcəyini bildirib.
Sorğu iyunun 13-dən iyunun 18-dək aparılıb. Burada hər ştatdan 1000 qeydiyyatdan keçmiş amerikalı seçici iştirak edib.
Noyabrın 5-də ABŞ-da növbəti prezident seçkiləri keçiriləcək.
