Ötən tədris ilində Bakıda məktəbəqədər təhsil müəssisələrinə müdir və tərbiyəçi müəllim vəzifəsinə işə qəbul üzrə müsabiqələr keçirilib.
Bu barədə Viral.az-a Bakı Şəhəri üzrə Təhsil İdarəsindən məlumat verilib.
Son Yazılar:
- İcra Hakimiyyətində əməliyyat: SAXLANILANLAR VAR
- VII çağırış Milli Məclisin ilk iclasına sədrliyi Ziyad Səmədzadə EDƏCƏK
- Konstitusiya Məhkəməsi parlament seçkilərinin nəticələrini TƏSDİQLƏDİ
Bildirilib ki, müsabiqələrin müsahibə mərhələlərində uğur qazanmış 14 nəfər müdir, 128 nəfər isə tərbiyəçi müəllim vəzifəsinə işə qəbul hüququ qazanıb.
Həmçinin qeyd edilib ki, 2023-2024-cü tədris ili üçün müəllimlərin işə qəbulu və yerdəyişməsi müsabiqəsinə BŞTİ tərəfindən 3 024 vakansiya təqdim olunub. Müsabiqələr nəticəsində tədris ili ərzində 2 769 nəfər işə qəbul olunub.
Bunlardan 1 227 nəfər müddətsiz müqavilə ilə işə qəbul üzrə elektron yerləşdirmə prosesi nəticəsində, 1 245 nəfər müddətli müqavilə ilə işə qəbul üzrə elektron yerləşdirmə prosesi nəticəsində, 297 nəfər isə müddətsiz müqavilə ilə işləyən müəllimlərin iş yerinin dəyişməsi prosesi nəticəsində işə qəbul olunub.
Həmçinin tədris ili ərzində ümumi təhsil müəssisələrində işə qəbul müsabiqəsi nəticəsində tutulmayan yerlər üzrə dərs saatlarının tədris edilməsi üçün digər məktəblərdən əvəzçilik qaydasında 494 ixtisaslı kadr dəvət edilib
