Azərbaycan xarici işlər naziri Ceyhun Bayramov sabah Gürcüstana səfər edəcək.
Viral.az xəbər verir ki, bu barədə Gürcüstan Xarici İşlər Nazirliyi məlumat yayıb.
Son Yazılar:
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
- Moskva son 75 ilin ən yağışlı gününü YAŞADI
Bildirilib ki, iyunun 27-də baş tutacaq rəsmi səfər çərçivəsində Azərbaycan xarici işlər naziri Ceyhun Bayramovun bu ölkənin Baş naziri İrakli Kobaxidze, parlament sədri Şalva Papuaşvili, xarici işlər naziri İliya Darçiaşvili ilə görüşləri nəzərdə tutulub.
Gürcüstan Xarici İşlər Nazirliyinin məlumatına görə, xarici işlər nazirlərinin görüşündə ikitərəfli əməkdaşlığın gündəliyinə daxil olan mühüm məsələlər və regional əməkdaşlıq məsələləri müzakirə olunacaq. Görüşdən sonra mətbuata açıqlamalar veriləcək.
