Bakıda “Moon Kids” uşaq bağçasının təsisçisi və direktoru Havvaxanım Rüstəmova həbs olunub.
Viral.az xəbər verir ki, bu barədə Baş Prokurorluğun Mətbuat xidməti məlumat yayıb.
Qeyd olunub ki, “Moon Kids” Məhdud Məsuliyyətli Cəmiyyətində yol verilən qanunsuzluqlarla bağlı Nizami rayon prokurorluğunda istintaq edilən cinayət işi üzrə MMC-nin direktoru Rüstəmova Havvaxanım İmamət qızı Cinayət Məcəlləsinin 178.2.2, 178.2.3, 178.2.4 (qulluq mövqeyindən istifadə etməklə təkrarən və xeyli miqdarda dələduzluq) və 308.1-ci (vəzifə səlahiyyətlərindən sui-istifadə) maddələrilə təqsirləndirilən şəxs qismində cəlb edilərək barəsində müstəntiqin vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmənin qərarı ilə həbs qətimkan tədbiri seçilib.
Son Yazılar:
- İnsan bu yolla özünü və ətraf mühiti qoruyur: Piyada gəzməyin faydaları
- Səidə onun adını eşidib efirə gəlməkdən imtina edib
- “İnsanyuyan maşınlar” bu tarixdə təqdim olunacaq
Hazırda cinayət işi üzrə ibtidai istintaq davam etdirilir.
Qeyd edək ki, H. Rüstəmova “Moon Kids” uşaq bağçasının təsisçisi və direktorudur.
