BSU-da “Yaşıl dünya naminə həmrəylik ili” çərçivəsində tələbələrin əl işlərindən ibarət rəsm və foto sərgisi təşkil edilib
Viral.az xəbər verir ki, iyulun 5-də Bakı Slavyan Universitetində (BSU) “Yaşıl dünya naminə həmrəylik ili” çərçivəsində BSU-nun Tədbirlər Planına uyğun olaraq universitetin bütün fakültələrində təhsil alan tələbələrin əl işlərindən ibarət rəsm və foto sərgisi təşkil edilib. Sərgidə BSU-nun rəhbərliyi, professor-müəllim heyəti və əməkdaşları iştirak ediblər.
Tədbir zamanı tələbələr müəllifləri olduqları rəsm və fotolar barədə təqdimatla çıxış ediblər.
BSU-nun rektoru Anar Nağıyev sərgidə nümayiş olunan rəsm və fotoları yüksək qiymətləndirərək tələbələrə təşəkkür edib, onlara təhsildə və yaradıcılıqda yeni-yeni uğurlar arzulayıb.
