Fövqəladə Hallar Nazirliyinin “112” qaynar telefon xəttinə Bakı şəhəri, Nəsimi rayonu, Kövkəb Səfərəliyeva küçəsində yanğın baş verməsi barədə məlumat daxil olub.
Bu barədə Viral.az-a FHN-dən bildirilib.
Son Yazılar:
- “Müdafiə xərclərinin artması dövlətimizin təhlükəsizliyini daha etibarlı şəkildə təmin etməyə imkan verəcək”
- Rasim Balayevin səhhəti necədir?
- MİQ-ə sənəd verənlərin yaş aralığı – SİYAHI
Qeyd edilib ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində beşmərtəbəli yaşayış binasının 3-cü mərtəbəsində yerləşən ümumi sahəsi 70 kv.m. olan üçotaqlı mənzilin eyvanında baş vermiş yanğın genişlənməsinə imkan verilmədən qısa müddətdə söndürülüb.
Yanğın nəticəsində mənzilin eyvanının plastikdən ibarət qapı və pəncərəsi və eyvana yerləşdirilmiş paltaryuyan maşın yanıb.
Mənzil yanğından mühafizə olunub.
Xəsarət alan yoxdur.
