İsrail təchizat gecikmələri ilə bağlı problemləri aradan qaldırmaq və kritik sursat növləri üzərində müstəqilliyi təmin etmək üçün öz hava qüvvələri üçün öz ağır bombalarını hazırlayıb istehsal edəcək.
Viral.az xəbər verir ki, bu barədə İsrailin “Hayom“ qəzeti məlumat yayıb.
Məlumata görə, İsrail Hərbi Hava Qüvvələri üçün ağır bombaların, o cümlədən 907 kq ağırlığında Amerika aviasiya bombalarına bənzər, Ağ Evin göstərişi ilə təchizatı bir neçə ay dayandırılmış bombaların hazırlanması və istehsalı barədə qərar qəbul edilib. Qəzet, ABŞ hakimiyyətinin “hələ ağır bombaların tədarükünə razılıq vermədiyi” mənbələrə istinad edərək, yeni İsrail bombalarının hazırlanmasının və onların istehsalına başlamasının iki-üç il çəkəcəyini qeyd edir.
Son Yazılar:
- “Buran”ı Rusiyaya verməyən iş adamı Qazaxıstanda axtarışa VERİLDİ
- Qarşıdakı turlarda daha məzmunlu oyunlar göstərəcəyik
- Həyatı yaxın bir neçə gündə 180 dərəcə dəyişəcək BÜRCLƏR
Bundan əlavə, “İsrael Hayom”un məlumatına görə, İsraildə tank və zirehli transportyorların istehsalının artırılması planlaşdırılır. Qəzet həmçinin yazır ki, İsrail hərbçiləri ABŞ-dən F-15 eskadrası və İsrail Hərbi Dəniz Qüvvələri üçün yeni gəmilər almaq üçün nazirlər komissiyasından razılıq gözləyirlər.
(redaktor.az)
