Yüzlərlə etirazçı Təl-Əviv və Qüdsdə küçələri bağlayıb, Qəzza zolağında radikalların saxladığı girovların tezliklə azad edilməsini tələb edib. Etiraz aksiyaları iki şəhərdə axşam saatlarında İsrail hərbçiləri radikallar tərəfindən qaçırılan və HƏMAS tərəfindən əsirlikdə öldürülən 6 israillinin cəsədini avqustun 20-nə keçən gecə geri qaytardıqdan sonra başlayıb.
Viral.az-ın məlumatına görə, “The Times of Israel” yazır ki, etirazçılar Təl-Əvivin mərkəzində Begin küçəsində nəqliyyatın hərəkətinə mane olublar.
Kan radiosunun məlumatına görə, Qüdsdə analoji aksiyanın iştirakçıları Paris meydanı ərazisində Balfour küçəsini bağlayıblar. Radiostansiya bildirir ki, polis meydanda hərəkəti bərpa edə bilib.
Son Yazılar:
- Dərmanları soyuducuda saxlamaq olarmı? – Ekspert
- “Oreşnik” bütün Avropada hədəfləri vura bilər
- İstanbulda diplomat olduğunu deyən azərbaycanlı 70 kilo qızılla SAXLANILDI
İsrail Müdafiə Qüvvələrinin mətbuat xidməti çərşənbə axşamı bir gün əvvəl bildirib ki, 2023-cü il oktyabrın 7-də əsir götürülmüş və HƏMAS tərəfindən əsirlikdə öldürülən 6 girovun cəsədi hərbçilər tərəfindən Qəzza zolağının cənubundakı Xan Yunis şəhəri yaxınlığında aşkar edilib. Hərbçilərin və Baş Təhlükəsizlik Xidmətinin birgə əməliyyatı nəticəsində onlar İsrail ərazisinə təslim edilib.
İsrail baş nazirinin ofisinin müşaviri Dmitri Gendelmanın həmin gün verdiyi məlumata görə, Qəzzada “109 İsrail vətəndaşı hələ də HƏMAS-ın girovluğundadır”.
Xatırladaq ki, 2023-cü il oktyabrın 7-də Qəzzadan HƏMAS hərəkatının silahlı tərəfdarlarının İsrail ərazisinə hücumu, sərhəd yaşayış məntəqələrinin sakinlərinin öldürülməsi və 250 nəfərin girov götürülməsi ilə müşayiət olunan hücumdan sonra Yaxın Şərqdə vəziyyət kəskin şəkildə pisləşib. Buna cavab olaraq İsrail HƏMAS-ın hərbi və siyasi strukturlarını məhv etmək və oğurlananların hamısını azad etmək məqsədi ilə anklavda əməliyyata başlayıb.
(redaktor.az)
