Deputatlığa namizədlərin əksəriyyətinin işsiz olduğu, hətta bu günə qədər heç bir siyasi fəaliyyətinin olmadığı ortaya çıxıb.
Viral.az xəbər verir ki, bu barədə “Mənim Səsim” Seçki Monitorinq Koalisiyasının (SMK) sentyabrın 1-də keçiriləcək parlament seçkilərinə aid aralıq hesabatında bildirilib.
Hesabatla bağlı keçirilən mətbuat konfransında çıxış edən SMK-in həmtəsisçisi Səadət Bənənyarlı deyib ki, qadınların namizəd kimi irəli sürülməsində rəqəmlər kifayət qədər aşağıdır: “Ən çox qadın namizədlə çıxış edən isə Yeni Azərbaycan Partiyasıdır. 125 namizədin 30-u qadındır. Digər partiyaların namizədləri arasında gender məsələsi daha aşağı durumdadır”.
